من الخمسين إلى السابع (٩): قسطنطين في نيقية - ما له وما عليه

الضبط المفتقد في ملفات مايكروسوفت أوفيس العربية

هناك نوع من الضبط ألاحظ ان بعض مستعملي برامج اوفيس "باللغة العربية" يفتقدونه وهو ما ينعكس على المنتج النهائي الصادر عنهم، يعني ممكن يوصلك ايميل أو ملف وورد Word، أو تشوف باور بوينت PowerPoint شكله ملخبط، مثلاً:

١- لو فيه أرقام في وسط النص بتتلخبط وابقى تعال قابلني لو عرفت تجيب أولها فين وآخرها فين.

(١) خبط الحنطة - أوفيس من اليمين للشمال

٢- ممكن لو حشرت كام كلمة انجليزي في وسط النص العربي تجد السطر اتقلب وأول السطر بقى في آخره والآخر بقى في الأول.

٣- لو السطور مرقمة ١، ٢، .... الخ، تجد ارقام السطور جاية في الشمال بدلاً من اليمين.....

٤- وحدث ولا حرج عن علامات التنصيص والأقواس تتلخبط اليمين يلف شمال والشمال يلف يمين..... الخ

ياترى ليه ده بيحصل؟

(اقرأ أيضاً: البحث عن الله)

نفذ هذا الضبط قبل أي شيء

ببساطة، لازم تاخد بالك من أمرين تنفذهم قبل اي حاجة تانية عندما تبدأ كتابة أي ملف "عربي"، "نوعان من الضبط" مش نوع واحد و"النوعان" لازم يمشوا مع بعض.

القِ نظرة من فضلك على الصورة السابقة هنا وانتبه للأرقام التي اذكرها.

- رقم (١) ورقم (٣) أوامر تحدد للأوفيس بادئ ذي بدء إذا كان النص المكتوب اتجاهه يمين-شمال (مثل العربي والعبري والفارسي... الخ) او شمال-يمين (مثل الإنجليزي والفرنسي... الخ).

- رقم (٢) ورقم (٤) أوامر تحدد للأوفيس "محاذاة" النص المكتوب، إذا كان هايحاذي يمين (٢) أو يحاذي شمال (٤).

بناءً عليه وألف باء قبلما تكتب حرف "عربي" واحد في تطبيقات أوفيس لازم تتأكد من اختيار (١) و(٢) مع بعض، اكرر تاني، "مع بعض"..

ليه؟

رقم (١) بيقول لأوفيس ان النص اللي هايتكتب هو نص عربي اتجاهه من اليمين للشمال.

ورقم (٢) بيقول لأوفيس إنك ترغب في محاذاة النص جهة اليمين [طبعاً هناك الوضع "مضبوط" Justified وده ممكن تختاره بعدين].

نظر الصورة رقم "٢" علشان تشوف الوضع السليم.

(٢) خبط الحنطة - ملف وورد عربي سليم

(اقرأ أيضاً: من أجل الجدل الدائر بسبب الأمطار)

طيب ايه اللي بيحصل في الواقع بقى؟

في الغالب الكومبيوتر بتاعك يبدأ تشغيل الأوفيس تلقائياً على الوضع (٣)، (٤) علشان الخواجة اللي عمل الكمبيوتر وأوفيس بيكتب انجليزي، ومع كده تفاجأ بواحد (عربي طبعاً) مالوش دعوة بأي حاجة وسايب نفسه ويبدأ الكتابة على هذا الوضع التلقائي كأن الأمر لا يخصه، وتطلع الدنيا معاه "شوربة" بمعنى الكلمة (أنظر الصورة التالية)، وطبعاً العالم دي مالناش دعوة بيهم.. تقريباً محتاجين يرجعوا لـ"أمل وعمر" و"سوسن ونصر".

(اقرأ أيضاً: ولاد الحرام وولاد الحلال)

ولكن بقى فيه ناس "حدقين" شوية وبيستعملوا "الفكاكة"، ودول بياخدوا بالهم كويس من وضع "المحاذاة" ولا يفوتهم اختيار الوضع (٢)، ماهو مش معقول يبقى النص عربي ومتحاذي شمال، هايبقى شكله عجيب! مش كده ولا إيه؟ لكن الجماعة دول مش بياخدوا بالهم أبداً أبداً ان الوضع (٣) مازال مفعَّل (اللي هو إن النص شمال-يمين)، وينفذ الجماعة دول ابتكار الفكاكة ويطلع النص متحاذي يمين كويس وزي الفل، لكن في الوسط تحصل بلاوي وهو مش واخد باله (أنظر الصورة رقم "٣"). ويا سلام لو بيعمل ملف باور بوينت علشان محاضرة، بنشوف العجب في الباور بوينت.

ألا هل بلغت؟ أللهم فاشهد...

#افهموها_بقى

(٣) خبط الحنطة - ملف وورد عربي مشوه

١٣ أكتوبر ٢٠٢٢ – تاريخ النشر في فيسبوك

 (انقر هنا لتتابعنا)

تعديل المقال